Ek tanha saahil hoon mein.......

yeh saagar ki leherien,
gati se jhoomti hui aati hain,
aur thode sheetal pal dekar,
usi gehre saagar mein,
dheere se veeleen ho jaati hain.

mein chah kar bhi use,
kuch pal aur mere saath bitane ke liye,
rok nahin pata,

bus yoon hi use aate-jaate,
gaate-gungunaate hue,
dekhta rehta hoon,
aur intezaar karta rehta hoon,
uske aane ka,
ki kab woh aayegi,
aur mein ,
iss tanhai ko do pal ki liye bhula paaunga.

yeh saagar, yeh chattanein,
sab meri hi tarah shaant hain,
itne samay saath rehkar,
ab bolne ki zaroorat nahin mehsoos hoti,
ya shayad,
bolne ko kuch bacha hi nahin,

yeh chattanein,
thak chuki hain khade-khade,
ya shayad ladte ladte,
in behti hui hawaoon se,
har pal ek tukda,
gir padta hai mujh par tut ke,
pata nahin yeh ansh,
us dvand mein bikhra hai,
ya uska koi,
dard bhara aansoo hai,

mein bhi ro deta hoon kabhi kabhi foot ke,
yeh tanhaai ab aur bardaasht nahin hoti,
chupa leta hoon apne aapko is asmaan ki god mein,
par wahan bhi sooraj ki yeh kirne,
mera peecha nahin chodti,
tapa kar mujhe,
bahar nikalne par majboor kar deti hain,

tab mein... aur bhi bekrar ho jaata hoon,
in lehron se milne ke liye,
apne zakhmon ko rahat dene ke liye,
par yeh leherein bhi jab,
in hawaoon ki tarah rooth jaati hain,
tab mere zakhm,
yoon hi tapte reh jaate hain,
aur mein,
bilakhta rehta hoon,
is akelepan mein.

kaash is vishaal sagar mein,
main bhi doob sakta,
aur khatam kar sakta apni is tadap ko,
shaayad.......isme bhi abhi waqt hai,
par dheere-dheere mere ansh,
veeleen ho rahe hain is vishaal saagar mein,
in leheron ke saath,
aur mein har pal..apne aap ko,
is saagar mein samate hue dekhta hoon,
aur intezaar karta hoon us leher ka,
jo ek pal mein mujhe,
baha kar le jaayegi is saagar mein,
aur mein mukt ho jaaunga,
is tapan aur akelepan se.

One Thing Never To Forget


Your presence is present to the world.

You're unique and one of a kind.
Your life can be what u want to be.
Take the days just one at a time.

Count ur blessings , not ur troubles .
You will make it through, whatever comes along .
within u , are so many answers.
Understand , hav courage , be strong .

Don't put limits on urself .
So many dreams are waiting to be realized .
Decisions r too important to leave to a chance .
Reach for your peak, your goal and your prize.

Nothing wastes more energy than worrying.
the longer one carries the problem ,
the heavier it gets.

Don't take things to seriously.
Live a life of serenity, not a life of regrets.

Remember, that a little love goes a long way.
Remember, that a lot of love goes forever.
Remeber, that frndship is a wise investment.
life's treasures, are ppl ..........together.

Realize, it's never too late.
Do ordinary things, in an extrordinary way.
Have health, hope and happiness.
take the time , to wish upon a star.

And don't ever forget .....
not even a day .....
How special u r .

" Man "

Inn uchaiyoon ko chhoone ki chahat mein ,
Bhool jaate hain hum apne aao ko hi,
Apna wajood kaayam karte karte,
Khud hi kho jaate hain iss duniya mein kahin ,

Apne man ki lalkaar sunke ,
Socha tha maine jeevan mein kuch kar dikhaunga;
Par jab mein pahuncha manzil pe,
To paya, wahan to sirf mera shareer tha , (shareer = body)
Man to mar gaya tha beech raste mein .

Mein roya cheekha chillaya,
Par kuch kar na saka ,
Maine hi ki thi uski hatya ,
Apne inhi safal haathon se ,

Maine khud ko di dilasa,
Ki man nahin hai to kya hua ,
Manzil to saath hai mere ,
Par mujhe ahsaas tha iss baat ka ,
Hoon mein kitna akela, inn uchchaiyyon pe.

Kya galti thi meri, maine apne aap se poocha,
Shayad sirf rasta hi to galat chuna tha ,
Par, us lalkaar ka bhi to jawab dena tha,
Aur phir, mere apno ne mujhe kyun nahin roka ,
Pata nahin, woh mere saath the ki manzil ke .

Par ab wilap karne se kya fayda ,
Sochta hoon, apne jeevan ko nayi disha doon,
Kisi murjhaye hue ko aasha ,
Aur kisi rote hue ko hansa doon ,
Shayad iss se mera man to nahin ,
Uska kuch ansh hi jeevit ho jaye .................

Dil karta hai aaj unchi udan bhar loon
Ek pag mein us chand ko chhu loon
Koi bandhan na rok paaye mujhe
Har bandhan mein tod doon

Jeevan ke iss chaurahe par dekha
Har rah par dhund ghanera ( ghanera = dense )
Aur har rah par dikh raha
Us chand ka bimb sunehra (bimb = image )

Kahin hoti vraksh ki chhanv (vraksh = tree )
Kahin hota nikat padav ( padav = place to rest )
Kahin dikhti kareeb uski chhaya
Yunhi dolti rehti mere man ki naav

Kash aaj saath hota tumhara
Dhoondh leta mera man koi kinara ( dhoondh = search )
Chod gaye tum iss vaqt mujhe
Jab chahiye tha koi sahara

Agar tum saath hote mere
Na rehte yeh baadal ghanere
Phir chaand ka bhi kya karna mujhe
Jab saath nahin ho tum mere

Chaand ko pana to ek bahana hai
Tumhari yaadoon ko bhool jana hai
Apne iss sangharsh mein mujhe
Tumhare saath beete har pal ko bhulana hai

Unn palon ka zakhm, ab tak hara hai ( palon = plural of pal )
Inn aankhon ka paani, ab tak nahin thama hai (thamna = to stop )
Til til ke dard dete hain yeh
Tumhare bina mera man, ab bhi adhoora hai

Adhoore hain woh sapne bhi
Jo maine aur tumne sanjoye the kabhi
Dhul jayenge ye
Inn aansuon mein ye sabhi

Tham loonga mein, inn aansuon ko
Chhod doonga peechhe, uss beete hue kal ko
Chal pada hoon mein nayi raahon par
Mita doonga inn saanson se, tumhari mahak ko

Dil kehta hai aaj uunchi udan bhar loon
Ek pag mein uss chand ko choo loon
Tumko naa sahi
Uss chaand ko to apna keh sakoon.